Tubu di Tano Tipang do Marga Nababan. Jala songoni ma songon laguni Mars Nababan.
Dipabaga-baga roha patupahon gurget-gurget pangarongkoman hinorhonni holong namarapi purun do di Marga niba ima Borsak Mangatasi Nababan.
Asa rap hita manukkun tu natua-tua siboto TUTUR siboto UHUM nang TURI-TURIAN.
Baliksa las so adong do pamotoan di panurat on. Jolma nagale,nasusa do apala manggolehon pahusor patna pe nang tanganna saik maol. Dang parsikkola ima songon akka siboto surati jala sipatuk do intor lupa dihata..
Ia tonggoni parbue di Debata do na ginjang. Humundul manjungjung ma hita manisia. Asa rohamu akka Opung,Among,inong dohot haha-anggi. Rap hita paturehon nahumurang sian rongkoman on.
Siala tung torop do hita naposo natading dituri-turian dohot pardalanni hita Marga Nababan sian sundut nadiginjang rodi sundut naditoru..
Molo tungpe adong nahurang marboha bahenon ma hugolommai dipoguni tangan sampulu jari-jari dohot unduk simajujung pature hamu natua-tuai di gelleng muna on dina nahumurang.
Asa tu joloan on asa sipatuk iba pasahat torha dang targanjip dihata..
TOGA SIHOMBING
Molo ta enet do sian TOGA SIHOMBING ima 1.Borsak Jungjungan Silaban
2.Borsak Sirumonggur Lumbantoruan
3.Borsak Mangatasi Nababan.
4.Borsak Bingbingan Huta Soit.
Ia Opung borutta ima boruni Rajai Raja Lontung Siboru Panggabean. Molo turi-turianna sada do boruni Raja Lontung. Jala adipagabe hinan ima Dongan Boltokta sian Raja Sumba ima TOGA SIMAMORA namargoar Siboru Anak Pandan.
Sian sadani roha do jala dang pola hea binege naadong parukilon manang turi-turian na pamasa uhum manang tonggo sumomba hamamago marparbue parsalisian nasida.. Dung di pagabe Toga Sihombing ma muse gabe di jou ma Siboru Panggabean sorang ma SILABAN,LUMBANTORUAN,NABAB
SUMBA
Molo sian ginjang tarombo ni Si Raja Batak sundut pa 7 hon ma hita Sumba sian ina Siboru Basopaet. Ia Opung boru Sibasopaet adong mandok ima Putri Majapahit tikki di pamasa Kerajaan MAJAPAHIT ima penyatuan Nusantara dibagasan ulaon EKSPEDISI PAMALAYU II. Porang do nasida di Harajon SRIWIJAYA suang songoni di Aceh dohot nasingnai. Alai anggo di Tano Batak didok PERNIKAHAN POLITIK di pagabe Raja Sorbadibanua do Putri Basopaet gabe inanta paduahon tubu ma Raja Sumba anakna Sihombing dohot Simamora gabe hula-hula ma nasida (Raja) dang adong be porang. Jala jolma nagogo sakti do Opung boru on jala parubat. Songon goarnai ma Si Baso molo di halak Batak Si Baso ima Parubat manang Bidan najoloi.
Hea do lao sahalak sian Keturunan Toga Sihombing mandapotton tulangna tu Majapahit Mojokerto. Dileanma sada Pusaka ima TABU-TABU SITARAPULLANG. Hea do dibahas hami Tabu-tabu Sitarapullang on di Group Toga Sihombing dohot do tikki'i Ir.David Spener Sihombing. Adongma sahalak pabotohon marga Nababan na adong sada keluargani partulanganna marga Sihombing Lbn.Toruan molo jiarah halaki sai adong dibege hata Tabu-tabu Sitarapullang.Tarbotoma na marga Lbn.Toruan do hape saunari maniop alai salah mamakke hagunaonna namaniopi.
Ai tung massai godangdo anggo gunana alai holan sada do dipake holong tu boru-boru sampe pola do piga inantana.. Tersurat do serita on disada pustaha (kidung)jawa.
Tungpe songoni adongdo deba namandok Opung boru on ima boruni halak naung parjolo mangingani Tano Batak. Dia do natikkosna hita ma mamillit. Sona saksi sejarah hita holan manangi dohot marsiajar do...
MARGA SIHOMBING
Tarsingot boasa godang Lbn.Toruan mamakke Sihombing gabe margana amangantusi hita dituri-turianna..
Nasa pardalan-dalan manang Parjalang do Lbn.Toruan olo sipata leleng asa mulak. Sai dipaima haha-anggina do imana dohot Opungta Sihombing.Siala naung matua asa rup mambagi di naadong tano maraek tano mahiang.Ala lasso marnamulak Lbn.Toruan dibagi ma artana on tu anakna na tolu on. Ima Silaban,Nababan dohot Hutasoit. Tompu ma mulak Lbn.Toruan busesaon ma nasida..
"Dang adongbe sileononku di ho amang atung rus suda sude di haham nasida anggi.Tung ahanama diho amang.. Ninna Opungta Sihombing ma.
"Goarmi ma diau among asa adong partanda na anakmu au.. Ninna Lbn.Toruan. Las goarni Opungima nagabe songon Warisan di Lbn.Toruan.Las ima asa sai dibaen nasida margana Sihombing alai tong do boi hita mambaen Sihombing margatta.. Alai anggo tikkosna intor Nababan ido baenon ai ido natarsurat di Dokumen 13 okt 1955.
"Tangkas baen margami unang samar. Nababan sian jolo Nababan sian pudi..
Jala mmg anggo Sihombing parsadaan namai anggo marga Silaban,Lbn.Toruan,Nababan
Boasa sai dibaen dongan Sihombing margana tong do dang sala niani dg alasan :
- Tinggal disada luat nasada ulaon dope hita Toga Sihombing. Contohna di Pematang Siantar,Di Padang sidempuan,Kalimantan dll.. Siala dang sadia dope bilanganna hita disada luat gabe dibuat ma tutur natung solhot. Ido maloni akka opungta sijolo tubu. Tu marga aha pe hita jumpang boi do dibuat Partuturon nasumolhot..
- Ajelas tajaha diginjang boasa saik gumodang songon pinomparni Lbn.Toruan mamake Sihombing..
-Asa unang marsiboru-boruan be hita Toga Sihombing. Mmg jaman amaju jala amarserak hita sahat tu huta nauwalu bahkan luar negeri. Unang be sai holan marga na opati marsiboru-boruan.
Alai malo mahita dinamarsaor di nasa marga tajaga akka perasaani naung marumah-tangga diantara na opat margai. Unang gabe ta rehei manang gabe gere2 tabaen. Asa unang tubu akka hassitni roha. Ai sah doi hita marsibuatan marhite ulaon "MAMBUKA TASTAS BONGBONG". Asa ima intor di toggohon doi jala digabei. Dua ma serita na huboto tarsingot on sada nari ima Limbong dohot Sagala. Intor digabei do nasida marhite tonggo dipatikkon ma Andalu tu Tano molo tubu andalui boi marsigabean alai molo so tubu uhum na masa dang boi marsiboruan..
Hape tubu do andalu i gabe marsiboruan-boruan ma nasida..
Alai saran tu akka naposo naso maruma tangga dope lului hamu ma sian nasing asa tamba tondongta he..he
BORSAK MANGATASI NABABAN.
Ise do goar asli Opungta Borsak Mangatasi Raja Nababan..?
Sumber: https://www.facebook.com/groups/nababanborsakmangatasi/permalink/10156734342397836/
![Author](href="https://3.bp.blogspot.com/-BaYPme_2eSI/XTXSB4y_KXI/AAAAAAAAaM4/F_3DXx5ofl4dqFYV6prD1-Z4z0npaLnKgCLcBGAs/s1600/logo-nababan.jpg "Nababan"){kind=logo}
